Fundashon Kas di Kultura Kòrsou den su afan pa sigui konsientisá komunidat riba kultura di Kòrsou, ta organisá un charla titulá “Kiko ta bira Kultura?”. E charla aki ta tuma lugá riba djaweps 8 di Sèptèmber 2016,  di 7or pa 9or di anochi, riba e patio patras di Kas di Kultura, na Scharlooweg # 29. Nos Kultura tin diferente rais, diferente karakterístika i desaroyo. P’esei ta hopi importante pa nos komo Bon Yu di Kòrsou ta konsiente di nos Kultura. Bini Kas di Kultura bin sosialisá den un ambiente ameno i no formal pa nos papia, diskutí, interkambiá idea i haña informashon balioso tokante nos kultura. Orador di órden p’e anochi aki ta Direktor Interino di Kas di Kultura Sr. Gilbert Bacilio. Entrada ta Grátis. E charla ta tuma lugá riba Djaweps 8 di Sèptèmber 2016 di 7or pa 9or di anochi den e patio patras di Kas di Kultura na Scharlooweg # 29. Pa informashon por tuma kontakto na number di telefòn 434-7355. Kas di Kultura ta invitá bo.