Manera ta konosí for di yanüari 2017, Kas di Kultura ta organisá tur luna e aktividat ku Lus di Luna. Durante e aktividat aki ta para ketu na diferente tópiko di interes kultural i di kustumber nan di nos pueblo. Den kuadro di e agènda pa yüni 2017, tin e promé Kaminata bou di Lus di Luna ku lo tuma lugá djabièrnè 9 di yüni próksimo na Banda Bou. E kaminata ta kuminsá na Lanthùis Kenepa ku direkshon pa Playa Kenepa Grandi i regresá bek na Lanthùis Kenepa.

Ta kuminsá e aktividat ku un tremendo “Zumba” pa fortifiká e kurpa pa medio di moveshon. Durante di e kaminata e partisipante ta disfrutá entre otro di e Luna Yen.
Ta terminá e aktividat ku un tremendo Happy Hour te 12or di anochi. Pa persona nan di área pariba ku kier partisipá lo tin un bus ku lo sali for di Kas di Kultura na Scharlooweg 29,  pa 7or di anochi pa asina por yega na tempu pa por kuminsá 8or di anochi ku e kaminata.

Pa partisipá na e kaminata mester registrá adelantá na number di telefon  434-7355 òf na 888-6396. Registrashon ta kosta Nafl. 15,-  ku ta enserá 1 T-shirt pa e kaminata i konsumo durante i na final di e kaminata. Pa medio di esaki Kas di Kultura kier invitá pueblo kompletu i habitantenan di Banda Bou en partikular pa bin disfrutá di e tremendo kaminata aki bou di Luna Yen djabièrnè dia 9 di yüni 2017.

KU LUS DI LUNA, PASO TUR LUNA TIN LUNA YEN !