Palabranan di éksito na tur 6 beyesa:

Willemstad- Sèptèmber 2013; Resientemente KFC a anunsiá su patrosinio na sertámen di Miss Universe Curaçao 2013, e kompetensia lo tuma lugá djasabra awor 21 di Sèptèmber. Un total di seis partisipante; Archangela Garcia, Crystal Willems, Eline de Pool, Gina Bracelly, Stephany Fransisca i Yolanda Smallegange lo kompetí pa e titulo máksimo pa asina bai representá Kòrsou den e sertámen internashonal di Miss Universe ku lo tuma lugá dia 9 di Novèmber na Moscow. CTB ku tin e lisensia pa e kompetensia di beyesa na nivel lokal a enkargá Coridja Stars Productions pa organisá e sertámen ku un toke internashonal. Hucor Holding N.V.  i KFC ta pone nan skouder bou di e proyekto i asina kontribuí na e realisashon di e sertámen di Miss Universe Curaçao 2013. Kontribushon di KFC na e organisashon di Coridja Stars Productions lo yuda ku konstrukshon di un esenario moderno, esaki lo duna e sertámen un toke internashonal i aún mas impreshonante. Ademas di su kontribushon na sertámen di Miss Universe Curaçao 2013, KFC a pèrkurá pa tur kandidata, organisashon, boluntario i ayudantenan risibí nan KFC ‘dinner’ durante nan ensayo na Holiday Beach Hotel preparando pa djasabra awó. KFC ta un kompania Halal i tin 7 filial na Kòrsou; St. Maria, Sta. Rosa, Saliña, Brion Plein, Punda, Brievengat i Colon ta invitá pueblo di Kòrsou kompletu pa presensiá e sertámen di Miss Universe Curaçao 2013 ku lo tuma lugar na Sta. Barbara Beach Resort òf wak’é na kas via di nos planta nashonal TeleCuraçao Kanal 8 riba djasabra 21 di Sèptèmber próksimo. Riba foto athuntu por mira kandidatanan Archangela Garcia, Crystal Willems, Eline de Pool, Gina Bracelly, Stephany Fransisca i Yolanda Smallegange durante ensayo na Holiday Beach Hotel & Casino disfrutando di nan KFC.