WILLEMSTAD/ Desèmber  2013 – Carnaval Casino a kuminsá selebrá su di 5 aniversario i ta invitá tur su klientenan pa forma parti di un selebrashon tur afó ku oportunidat di gana vários premio kèsh. Miéntras ku Carnaval Casino ta den pleno selebrashon, tabata djabièrnè último Carnaval Casino ta hasi entrega di outo #71 na un di su fiel klientenan. Sr. Wiston Petronella a gana e outo i ya kaba tin’e! Pa brinda tur kliente un ambiente festivo Carnaval Casino lo sòru pa un dekorashon spesial kombiná ku bolo i Cup Cakes pa selebrá e okashon, riba djaluna 23 di desèmber. Ademas di esaki lo tin un grandioso ‘Anniversary Bingo’ entre 2’or i 4’or di atardi ku oportunidat di gana double power ball na balor di $1000. Tambe Carnaval Casino lo tin diferente rifanan spesial ku lo duna tur kliente di e casino chèns di gana premio kuminsando for di 6’or di atardi.. Lo tin animashon musikal di Magic Treasure entre 8’or di anochi i 12’or di mardugá. Carnaval Casino ta invitá tur su klientenan i tambe pueblo di Kòrsou pa selebrá su di 5 aniversario. Riba fotonan athuntu por haña un impreshon di momentu ku Sr. Petronella a risibí su outo. Masha Pabien!