…Dia 27 di sèptèmber último…

WILLEMSTAD – Tabata djadumingu último ku Carnaval Casino a selebrá e festival di medio otoño (Mid-Autumn Festival) huntu ku e komunidat chines. Esaki ta e di dos selebrashon di mas grandi pa e komunidat chines despues di e festival di lènte. E selebrashon di ‘festival otoño’ ta kai riba e di 15 dia di e di 8 luna di aña riba e kalènder chines. Carnaval Casino i Renaissance Resort Curaçao ta balorá su relashon ku e komunidat chines ku kada bes di nobo ta skohe pa selebrá nan festividatnan den su ‘ballroom’ Atrium. E biaha aki no tabata un eksepshon.  

Durante e selebrashon a brinda tur invitado un anochi inolvidabel ku entretenimentu, un eksperensia kulinario kombiná ku un ambiente ameno. Komo ku e festival ta dediká na e ekspreshon di gratitut i pa selebrá kosecha den otoño, Carnaval Casino huntu ku e organisashon a sòru pa un dekorashon ku ta kuadra ku e selebrashon. Di e forma aki a garantisá ku e invitadonan a sinti nan mes na kas. Ta importante pa nos rekonosé ku kustumber i kultura di e komunidat chines tin un ròl signifikante den nos sosiedat.