Bin sinja konose trabou di bombero durante 2 dia largu
WILLEMSTAD.- SOV Brantwer Kòrsou ta kontentu di por anunsiá ku tur kos ta kla pa e Firefighters Hunt 2015. Ayera durante di nan Rueda di Prensa, e organisashon di SOV Brandweer a anunsia ku tur kos ta kla pa e hunt di anja 2015. Un biaha mas, e anja aki e ta priminti di ta tei bira otro for di e otro ‘speurtocht’ nan ku ya a tuma lugá.
Evento 2 dia
E Firefighters Hunt di Brantwer aki ta bai paralisá Kòrsou kompletu pa 2 dia largu. For di 8or di mainta tur grupo lo reuní den kura di Brantwer Mundu Nobo pa risibí nan desayuno. Pa 9or di mainta, lo por skucha e pitu ofisial di un brantspùit ku lo marka inisio pa e gruponan kuminsá ku búskeda rònt Kòrsou. E firefightershunt lo konta ku diferente tarea den kual e partisipante lo sera konosí ku trabounan di Brantwer Kòrsou, pero tambe paisahe i partinan bunita di Kòrsou.
Inskripshon
Awe djaweps 29 di April 2015, for di 7or pa 9or pm i tambe djasabra 02 di Mei 2015 di 5or pa 8or pm tur grupo por pasa na Kazerne di Brandweer na Roodeweg i hasi nan inskripshon pa partisipa na e Firefighters Hunt 2015. E hunt aki lo ta 2 dia largu, den kual 4 persona den un outo por sinja konose e trabounan ku Brandweer Korsou ta hasi di forma diario pero tambe por konose hopi partinan di Korsou ku hopi biaha nos no konose. Atrabes di varios “hint”nan lo yega na diferente tesoranan den e “hunt”unda ku lo por gana premionan manera Desayuno na Hotel Renaissance, Weekend Stay na Acoya Resort, Varios Kompa Leon Giftcards, Voucher pa kome na Tok Tok Wings & Grill i tambe Oporto Restaurant, pero tambe e premio gordo di 3000,- florin kesh, mas diferente premio ekstra.
Spònsernan
Maske situashon ekonómiko no ta esun mihó, tòg SOV Brantwer Kòrsou kier gradisí tur spònser òf instansia ku a koperá ku nos, pa e Firefighters Hunt bira unu eksitoso. Lo bai tin diferente premio i for di awor nos ke yama un danki spesial na entre otro MCB Bank, Refineria Isla, Ennia, Scarlet, UTS, Coca Cola, Margil Party Rentals, Acoya Hotel & Suites, Autocity, Vanddis i Lovers, Zenitel, Panaderia Isa, Cost U Less, i tambe tur otro ku durante di e último dianan aki nos a bati na nan porta pa un yudansa òf aporte.
Partisipashon
Pa partisipashon ta fasil. Por pasa tur dia na kualkier Kazerne di Brandweer i tuma bo formulario di Inskripshon. Pasa djasabra 2 di Mei 2015 di 5or pa 8or pm na unda bo por inskribi, paga i tuma bo karchinan di partisipashon mesora pa Firefighters Hunt 2015. Tambe por manda email na firefightershunt@gmail.com pa inskripshon elektroniko of por yama na 529-2222 of 518-7174.