PA DJASABRA AWOR 7.30 DEN INTERNATIONAL SCHOOL
Willemstad – E konsierto & Show titula “NUNKA ENTREGA” di Shamiro Anita, ku lo tuma luga djasabra awor 30 di sѐptѐmber den Internationa School ta surpasando tur ekspektativa konsiderando e kantidat di personanan, gruponan i instansianan ku lo bai e evenementu aki pa gradisi Dios i eksperensia e Brasa di Dios ku por Move Tur Montaña, Kalma Tur Tormenta i duna forsa pa Nunka Entrega
Karchinan pa e konsierto aki ya ta kabando. Shamiro mes ta gradisi Dios na prome luga. E gran konsierto aki a bira posibel danki na sostén i koperashon di varios persona, iglesia/misa i kompanianan ku a sea regala empleadonan, sponser, i/of hasi donashon pa institutonan di nos hobennan, personanan deshabilidat i nos grandinan karchi dje konsierto pa nan tambe por bai alaba i gradisi Dios, gosa dje show espektakular aki.
Ta trata aki dje kompanianan Refineria Isla, UTS, TeleCuracao, Lovers, CBA, Total Services, , Gompers Cooling, Café Barista, Tramm Imaging, Fundashon Bon Intenshon, Japan NV, Acoya Hotel i CFS Solutions.
Tin hopi espektativa ku e konsierto aki lo bai krea un ambiente bendishona di pas i speransa konsiderando tur loke Dios lo bai laga sosode durante di e konsierto & Show aki.
Den e konsierto aki Shamiro lo bai motiva tur esnan presente pa Nunka Entrega i sigui perseverá maske kon duru e bataya ta, paso Dios semper tei pa yuda i den Dios nan soñonan lo realisá. Pesei Shamiro ta hasi un invitashon pa bin esperensia e Poder di Dios den un anochi inolvidabel.
Ta bai tin un tremendo banda, hopi musika ku ritmo varia kombina ku Show di Baile, Stilt Walking, SkyDancing, Light & Fire Show, Laser Finger Show i hopi sorpresa mas. Lo tin kantikanan na Papiamentu, Spanjo i Ingles. Lo tin un kor grandi yama “Gods Angels” i un kombinashon di gruponan manera Adonai, Danzando A Sus Pies, Nemae-Last, i Excel Arts Academy. Komo artistanan invita di Korsòu lo tei Angelique Klooster i Eliazar el Mensajero. Direktamente for di Venezuela lo tei Rosana Casares i for di Sto. Domingo Yessie Cuevas.
Mirando e kantidat di karchinan ku ya a bai, por bisa ku International School lo ta yen yen djasabra awor 30 di sѐptѐmber. Portanan lo habri for di 7 pm i 7.30 pm net lo kuminsa ku un gran sorpresa, pesei ta bale la pena yega na tempu. Shamiro ta yama danki di kurason i manda bendishon pa tur ku a koopera di un forma of otro i tambe na tur ku a kumpra karchi. Un danki di kurason e ta manda tambe pa tur medionan di komunikashon ku sigur a yud’e hopi i tambe na tur su sponsornan.
E Ultimo karchinan ta obtenibel tanten tin mas na Mensing, Kas Di Beibel, Tik Tak, Beep Beep, 24 Uur Uit de Muur of via telefon 5622233. Preis di karchi ta fl.35,–.