32 kompania lokal ta kompetí ala FIFA Mundial 2014 na Johan Cruijff Court bou di dak

WILLEMSTAD- Atletanan di MCB huntu ku nan partner Maduro & Curiel’s Bank, Coca Cola i Heineken ta organisá e aña aki pa promé biaha Turneo di Futsal “KOPA MUNDIAL KOMERSIAL”. Un total di 32 ekipo maskulino di Kompanianan lokal lo representá e 32 paísnan ku ta partisipá den FIFA KOPA MUNDIAL 2014. Durante di un Rueda di Prensa siman pasa a keda disidí via di lòt kua pais e kompanianan lokal, ku a inskribí, lo representá: Pul A : Kooyman (Brazil), MCB (Croatia), CDM/DOK (Mexico) iSBAB (Cameroon) Pul B : Denny’s (Spaña), Vigilante (Hulanda), Isla (Chile) i Ernst & Young (Australia) Pul C : SOAB (Colombia), Blue Bay (Grecia), Curoil (Ivoor Kust) i Coca Cola (Hapon) Pul D : ACU (Uruguay), Klinika Capriles (Costa Rica), Dolphin Academy (Inglatera) i SVB (Italia) Pul E : Banco di Caribe (Switzerland), Securitas (Ecuador), KTK (Fransia) I CAP (Honduras) Pul F : Aqualectra Production (Argentina), ICUC (Bosnia Herzegovina), Auto City (Iran) i Aqualectra Distribution (Nigeria) Pul G : Schoolbestuur (Alemania), Polis (Portugal), Brandweer (Ghana) i CPOST (USA) Pul H: Citco (Belgika), Nederex (Algeria), Sedreko (Rusia) i Selikor (Republika di Korea Tambe lo tin 2 sekshon spesial di Futsal di Damas: Sekshon Komersial : SBAB1, SBAB2, MCB i Schoolbestuur Sekshon Kompetitivo : Victory Queens, The Mix, Hubentud Fortuna i Inter Willemstad Pa loke ta trata e sekshon maskulino ku ta representá e Mundial Komersial, tur e 32 kompanianan a risibí kada unu 10 kamiseta di e pais ku nan ta representá. E fanatikonan ku bishitá e turno aki sigur lo sinti nan mes den un ambiente di FIFA KOPA MUNDIAL 2014. Tur wega lo tuma lugá bou di dak den un ambiente fresku i dushi na Johan Cruijff na Mon Repos. Wegananan ta start djarason 28 di mei for di 6.30 p.m. ku un total di 16 partido. Johan Cruijff Court lo keda kombertí den2  kancha pa asina hunga mas tantu wega posibel I yuda krea un ambiente dushi durante di KOPA Mundial Komersial. E weganan ta sigui djaweps 29 di mei for di 10or di mainta te 10or di anochi, djabierne for di 7or di anochi lo tin e weganan di e i dos buelta.  Djasabra 31 di mei lo tin e weganan di semifinal I final. Weganan lo start riba djasabra for di 11or di mainta. Pa 6or lo tin animashon di KOMPER I tambe e premiashon tambe lo tuma lugá. Tur fanatiko di futbol I gusta weganan di Mundial I e koleganan di tur e 32 kompanianan ta bon bini den e ambiente di KOPA MUNDIAL KOMERSIAL, E MUNDIAL LOKAL.