Djabierne 25 Aug ‘2017 tabatin koronashon di Xhilienne Nivillac komo Miss Teen H2O Curaçao Embassador. Xhilienne ta nos Tersera Finalista Miss Curaçao Teenager 2017 ku ta kai bou di IBFF. Den un forma ofisial grupo Happy Teen Foundation a tuma e partisipante aki for di e organisashon IBFF i asina bira National Director di Xhiellienne pa loke ta trata su partisipashon na òktober próksimo den otro sertamen.

Happy Teen Foundation ta aktivo durante henter aña riba diferente tereno semper ku e hóben komo parti sentral. Pa e motibu aki nos enfoke den nos logo tin komo meta pa yuda spesialmente hóbennan realisá nan soño. Den e kaso aki, un biaha mas nos lo realisá soño di Xhillienne ku lo representá Kòrsou den e sertamen international
“Miss Teen H2O Curaçao Embassadeur” kaminda e lo kompetí kontra diferente otro país. E kompetensha ta enserá konsientisashon di uso di awa i naturalmente nos ta preparando en grandi pa su partisipashon.