Willemstad- Anualmente un enkuesta ta keda tene pa por mantené e servisio, higiena, presishon, produkto i rapides di e personal. Pizza Hut a skor haltu den tur kategoria. E kliente inkógnito ta tene un enkuesta di kual e lo mester pone tur e kategorianan menshoná na prueba. Durante di algun bishita e personal ta keda di tèst, durante di vários ‘shift’ di trabou. E resultadonan di akuerdo ku YUM (e franchise di kual Pizza Hut ta parti di dje) ta eksepshonal, asina leu ku Pizza Hut Curaçao por wòrdu konsiderá un ‘brand builder’ pa kualkier Pizza Hut den region. Entre tur restorant den region, Kòrsou ta na puesto 7. E reakshon di e enkuesta realisá dor di e kliente inkógnito tabata; servisio rápido, personal amabel i dushi kuminda.“Nos ta masha kontentu ku e menshon den e 10 mihó restorantnan di Pizza Hut den region. Nos ta traha duru p’e. E personal di kada un di nos restorantnan ta motivá pa alkansá ekselensia. Nos ke sigui enkurashá nan pa sigui duna di nan parti pa tene nos klientenan kontentu, p’esey tambe nos ta gradisí tur mènedjer, supervisor i empleado di  Saliña, Sta. Maria, Brionplein i Brievengat pa nan esfuerso tur dia”, esaki di akuerdo ku Sr. Randy Maurera. Pabien na tur 4 restorant di Pizza Hut i un gradesimentu spesial na tur fiel kliente. Pa mas informashon tokante ofertanan spesial i tambe pa keda na altura di tur produkto nobo bishitá e página di facebook.com/pizzahutcuracao. Riba foto, e mènedjernan di Pizza Hut huntu ku e ‘staff trainer’ i Gerente General di Pizza Hut Korsou.