TDS a primintí, i TDS ta kumpli

Dia 17 di sèptèmber último, TDS a start su selebrashon di 30 aña. For di komienso TDS a menshoná ku lo bai tin 30 dia di selebrashon.

A kuminsá na invitá mas yu di Kòrsou pa djòin e famia grandi di TDS pa mira dikon te ku awe TDS ta i lo keda e kompania di televishon pagá mas grandi riba pais Kòrsou i sigur mas respetá den e region di Karibe aki.

Awor a toka e momento kaminda ku miembronan eksistente tambe ta bai kuminsá gosa di regalo.

Kuminsando mei anochi di 30 di sèptèmber te ku 4 di òktober 1 minüt pa 12 di anochi, TDS lo habri TUR kanal pa TUR su klientenan aktivo, pues klientenan ku a paga nan saldo habri. Esaki lo ta e promé di e 6 regalonan ku TDS ta bai brinda na su klientenan.

Di 30 di sèptèmber pa 4 di òktober próksimo, TUR kanal lo habri den bo kas. E úniko kanalnan ku lo habri ta e kanalnan di “Pay Per View i e kanalnan di Baseball. E lastu aki ta paso e temporada ya a terminá.

TDS teniendo kuenta ku muchanan menor di edat a disidí di NO habri e kanalnan adulto outomátikamente, pero si ta duna e klientenan ku ta deseá esakinan, pa yama 9242 i solisitá esakinan tambe pa wòrdu habri pa e dianan aki. Por hasi esakinan for di dia 30 di sèptèmber i NO promé!

Tambe por hasi bo petishon via di internèt subiendo riba www.uts.cw/digitaltv i aki yena bo petishon i manda pa nos. Asina esaki drenta, TDS lo habri e kanalnan adulto tambe pa e kliente ku a hasi su petishon. TDS na mes momentu kier kòrda tur kliente ku tin mucha menor di edat den kas, pa hasi uso di e sistema di lòk riba nan bòks pa asina evitá ku e menornan di edat por wak e kanalnan aki.

Pues na tur kliente di TDS, e wikènt largu ku tin aki bo por gosa di BO TDS dushi asina ku un selekshon di mas di 250 kanal. Asin’aki TDS kier kuminsá yama danki na TUR su mas di 20,000 klientenan na Kòrsou i Boneiru pa e sosten pa 30 aña kaba.