Willemstad – CIBC FirstCaribbean a konfirmá su kompromiso ku desaroyo di energia renovabel no-konvenshonal den region ora e banko a entregá Sr. Roy Kolader i
Sr. Rik van de Walle, Direktor di NuCuraçao Windparken II B.V., un joint venture di NuCapital Inc. i Aspiravi Antillen N.V. un asina yama “tombstone.” Un tombstone ta un opheto konmemorativo entregá dor di un instituto finansiero na e desaroyado di un proyekto ku balor supstanshal.
E “tombstone” a ser entregá komo muestra di e banko su orguyo di por tabata lider den reglá, finansiá i tabata e agente enkargá ku seguro di e ekspanshon di e parke di mulina na Tera Kòra ku un kapasidat nobo di 16.5 MW. E proyekto ta representa un invershon di US$36 mion i ta projektá pa keda kla Yüli e aña aki. Kòrsou lo bira e di dos den mundu despues di únikamente Dinamarka, ora ta trata di energia renovabel no-konvenshonal den mundu.
E proyekto ta un paso grandi den direkshon di e kompromiso di Gobièrnu di Kòrsou i Aqualectra pa produsí no ménos ku 50% di koriente for di fuentenan renovabel.
Ku e plannan adishonal pa bin ku panelnan solar riba eskala grandi den e próksimo añanan, Kòrsou ta logra yega e marka di 50% hopi promé ku aña 2030. Finansiamentu di proyektonan duradero manera esaki na Kòrsou no ta algu nobo pa e banko. CIBC FirstCaribbean a partisipá den finansiamentu di e promé parke di mulina di NuCuraçao Windparken B.V. na Kòrsou. E kompania aki tambe ta un joint venture entre NuCapital Inc. Aspiravi Antillen N.V.
Originalmente e parke di mulina na Tera Kora e keda konstruí na 1993 dor di Aqualectra. NuCuraçao Windparken B.V. a tuma esaki over na 2012. E ekspanshon aktual ta enserá 5 mulina nobo marka Vesta V-117 ku turbina di 3.3 MW. Ku finansiamentu di e proyekto sostenibel aki, CIBC FirstCaribbean ta kumpli ku su promesa i kompromiso pa aportá balor agregá na komunidat dor di finansiá e tipo di proyektonan aki. E tim regional di Corporate Investment Banking, Energy & Utility di CIBC FirstCaribbean a guia e areglo demonstrando asina atrobe e kapasidat i konosementu di CIBC FirstCaribbeaen pa por guia e tipo di proyektonan speshalisá manera esaki.