Durante di luna di Mei 2016 Krus Kòra Kòrsòu ta konmemorá 85 aña di eksistensha I selebrá tambe 15 aña di reaktivashón di nos ala Hubeníl. Krus Kòra Kòrsòu tin dos tarea principal aki na Kòrsòu ku ta 1. duna asistensha durante di disaster, kalamidát, situashonan di emergensia i 2. duna asistensha durante di aktividatnan públiko di sierto embergadura. Pa kumpli ku e aktividatnan ariba menshoná Krus Kòra Kòrsòu tin dos kuerpo di boluntario, esta un kuerpo di 150 boluntario adulto I un kuerpo di 40 hóbenan
Pa fortikiká su operashon durante di e proksimo añanan Krus Kòra Kòrsòu a prepará un plan stratégiko (2016 – 2020) ku ta akapará e sigiente puntonan prinsipal: mehorá su kapasidat pa aktua durante di disaster local i regional, i tuma inisiativa pa ehekutá projetonan den barionan di Kòrsòu, p.e. mehorá salud/prevení malesa, limitá risiko durantu di disaster, i aktividat na benefisio di hubentúd. Pa ehekutá e aktividatnan aki Krus Kòra Kòrsòu mester generá fondo pa medio di donashon I rekauda fondo. Pa medio di e komunikado aki Krus Kòra Kòrsòu ta hasi un jamada na pueblo en general I instanshanan en particular pa por fabor hasi un donashon na Krus Kòra sea un biaha of si ta posibel mensualmente via kuentanan na banko (“standing order”) pa yuda Krus Kòra sigi yuda nos komunidát.
Lo bai tin kolekte durante di fin di siman durante di luna di Mei na diferente establesimiento komershal. Tambe nos lo aserka instanshanan particular pa medio di un karta ku petishon pa donashon. Destinashon di e kolekta ta pa remplasá un di nos ambulansnan. E invershón pa logra esaki ta mas o menos Naf 100,000,= Tambe tin posibilidat pa hasi un donashón direktamente riba Krus Kòra su kuentanan na bankonan lokal.
Maduro & Curiel’s Bank N.V.: 69989009
Royal Bank of Canada: 80 000 000 123 25 844
Banco di Caribe: 23070701
Giro Bank: 1112261
Orco Bank: 1019680031
SFT Bank: 0011545455
Huntu ku kolekte durante di luna di Mei Krus Kòra Kòrsòu lo bai tin e sigiente aktividatnan. Dia 12 pa 14 Mei lo bai tin un ehersisio di entrenamentu grandi huntu ku boluntarionan di otro islanan di Reino den Caribe na nos fasilidat di Barber na Banda Bou. Esaki ta pa boluntarionan tene nan abilidátnan pa duna asistensha ora tin mester na un nivel haltu I tambe pafo di Kòrsòu. Tambe lo tin bishita di ehekutivonan haltu di Krus Kòra Hulandes I di Reino ku reunionan sumamente importante pa desaroyonan na Kòrsòu I nos region di Caribe. I dia 14 di mei nos lo tin un selebrashón ofisiál na Banko Sentral durante kwal nos lo duna rekonosementu na tur e boluntarionan ku pa hopi aña ta duna nan tempu liber na Krus Kòra I na komunidát di Kòrsòu.
Dia 21 Mei lo bai tin nos torneo anual Red Cross Charity Red Jacket Golf na e kompleho di Curaçao Golf & Squash Club na Emmastad kaminda golfistanan local tantu den kategoria maskulino I tambe femenino lo kompeti pa e premio di e Red Jacket tan kotisá ku ta duna tambe e oportunidat di kompeti na e “Blue Moster” Doral Golf Course na Miami Florida. Dia 4 Juni lo bai tin un BBQ ku tambe ta tuma luga na Krus Kòra su fasilidat na Suffisant. Durante di aña nos lo organisá mas aktividatnan ku nos lo pone nos komunidát na altura pa via di bosnan medionan prestigioso.
Direktiva i miembronan kier a gradisí tur hende i instanshanas ku a duna asistensha I yudansa durante di añanan un danki di kurason I na mes monentu kier a hasi jamada atrobe pa yudansa pa asina por haña e fóndonan nesesario pa disponé di un ambulans nobo. Dr. Angelo Ramirez, Presidente.