Si semper bo ke a planta bo mes bèrdura i fruta na un manera ekológiko pero bo na sa kon pa kuminsá? BeRoots Permaculture, Curacao Footprint Foundation i Curassavica N.V. ta bai organisá pa di dos biaha e kurso hortikultura ekológiko i permakultura. Den 8 lès bo ta haña informashon teorétiko i tambe práktiko kon pa diseñá bo mes kurá pa planta ku éksito of diseñá bo kurá na un forma ekológiko. E kurso ta pone énfasis riba e klima i sirkumstansia lokal riba nos isla i por gran parti ta trata permakultura. E kurso aki lo bai kuminsá djaweps 29 di janüari ku dosente Berber van Beek (BeRoots permaculture), Michelle da Costa Gomez (Curassavica N.V.) i Léon Pors (Curaçao Footprint Foundation). Durante e kurso lo trata siguiente tema:

– traha bo mes kompòst

– konosemente di struktura di tera di Kõrsou

– konservashon di awa den kurá i kas

– konosemente tokante diseño di un kurá práktiko i tambe plantamentu

– Permakultura i su prinsipionan básiko

– 2 ekskurshon ku énfasis riba fruta lokal i ekologia di Kòrsou

– kolekshoná i warda simia i mata.

Fecha i orario:
Djaweps 29 janüari (18.30 – 21.00 or)
Djaweps 5 febrüari (18.30 – 21.00 or)
Djasabra 7 febrüari (08.00 – 11.00 or)
Djasabra 14 febrüari (08.00 – 11.00 or)
Djarason 18 febrüari (18.30 – 21.00 or)
Djaweps 26 febrüari (18.30 – 21.00 or)
Djaweps 5 mart (18.30 – 21.00 or)
Djasabra 14 mart (último seshon 16.00 – 19.00 or).

Despues di inskripshon lo duna mas informashon tokante e lokalidatnan kaminda e kurso lo tuma lugá. Partisipashon ta kost Nafl. 415,- pa persona ku ta inkluí material in tambe ob. Por inskribí riba nos website www.curassavica.net. Pa mas informashon por yama 522-8289 of mail info@curassavica.com.