Durante festival di Tumba, tur aña di nobo agrupashonnan musikal ta hasi nan máksimo esfuerso pa forma un konstelashon ma kompletu posibel pa asina ei por duna un mihó produkshon di nan komposishonnan nobo di nos dushi ritmo di tumba. Konsiente di e situashon aki, direktiva di AMAK a aserka IpFm pa perkurá pa nos tin sufisiente hóben ku den futuro lo mester forma parti di e tremendo agrupashonnan musikal ku nos tin i ku ta partishon i kompetí den nos máksimo evento kultural musikal ku ta Festival di Tumba. Pa e motibu ei, na aña 2005 a start ku e proyekto Formashon Musikal den barionan na Kòrsou, kaminda a duna oportunidat na hóbennan talentoso pa siña toka un ke otro instrumento. Dia 1 di ougùstùs 2009. E team di maneho di Instituto pa Formashon musikal a tuma e desishon pa skohe e hóbennan mas avansá di tur e barionan pa forma e ya tan konosí Junior Allstar Orchestra. Durante di e último kuater añanan, pueblo di Kòrsou den su totalidat por a mira i disfrutá di e éksitonan di e hóbennan ku ta forma parti di e Junior Allstar Orechstra, ku tur dia i na tur okashon ta avansá. Sinembargo e trabou no ta kompletu ainda, ya ku riba e sekshon di brass, mester hasi uso di refuerso di adultonan eksperensia. Esei ta e motibu ku  huntu ku  e partnmetnan ku ta spostene e proyekto di formasdhon musikal, as bin ku e idea pa lansa un pryekto den kual ta bai pone enfasis pa interesa hóbennan pa siñá toka un instrumènt di bientu o sea brass. Instituto pa Formashon Musikal ta kontentu ku despues di  algun análisis, por anunsiá ku a yega na un fórmula nobo pa bai krea hóbennan kapas pa toka sea: