ORANJESTAD – AUG– Despues di e reapertura di LG Smith’s Steak & Chop House clientenan tabata tin unicamente reaccionnan positivo di e ambiente, esfera trendy y e menu completamente re-diseña. Awor, LG Smith’s Steak & Chop House ta ofrece un experiencia eleva pa dinner cu ta inclui un concepto di brunch nobo, Happy Hour nobo y cocktailnan signatura crea exclusivamente pa LG Smith’s. Un ‘excuus’ perfecto pa un cocktail prome cu 12’or. E interior di LG Smith’s awor ta mas moderno y ‘upscale’, tambe recientemente a agrega ‘street art’ na muraya principal di e restaurant.
Hunto cu e cambionan y estilo nobo di LG Smith’s, ta introduci un Happy Hour nobo! Unicamente riba diabierna LG Smith’s Steak & Chop House lo habri for di 5’or di atardi. Entre 5’or y 8’or lo tin e happy hour mas trendy na Aruba! Ta pesei mes e tema “Attitude is Everything”. E sitio ideal pa trendsetters topa cu otro y clausura siman. Renaissance Aruba Resort ta sigui eleva lifestyle di cada bishitante y ta sigur cu e happy hour na LG Smith’s Steak & Chop House pronto lo bira e sitio mas popular na Aruba riba diabierna atardi.
Den cuadro di ‘Attitude is Everything” a acerca e artista Arubano Paul Wong mihor conoci como Kwokfai pa elabora un muraya ‘steak of the art’ pa LG Smith’s Steak & Chop House. Kwokfai, a studia na The Art Institute na Fort Lauderdale y tin 20 aña di experencia den e ramo di airbrush, ademas e’la ricibi tur confiansa di Renaissance Aruba Resort pa crea e arte riba e muraya principal di LG Smith’s Steak & Chop House. Kwokfai a dura 3 dia pa por termina e proyecto ‘Attitude is Everything’ y a uza verf di auto, masking y airbrush pa e streetart cu ta ilustra un cara di un dama mistico. E arte lo ta centro di atencion di tur bishitante.
Ta invita tur ‘trendsetters’ pa nan ta pendiente pa e Happy Hour nobo ‘Attitude is Everything’ di LG Smith’s Steak & Chop House riba tur diabierna di 5’or pa 8’or- cuminsando dia 29 di september. L.G. Smith’s Steak & Chop House ta situa den Renaissance Aruba Resort & Casino’s Marina Hotel ta habri di dialuna pa diahuebs for di 6’or i unicamente riba diabierna for di 5’or. Tin Dj tocando tur dia for di 6or di atardi te cu 11’or di anochi. Tur diadomingo ta ofrece e Sunday Brunch A-la-Carte for di 11or di mainta te cu 2:30 di merdia. Despues di e orarionan di dinner, e ambiente ta continua te cu 6or di mainta ofreciendo asina un menu selecta na The Midnight Grill Lounge cual ta un extension di L.G. Smith’s cu bista riba Crystal Casino. Pa mas informacion of reservacion por bishita www.lgsmiths.com