WILLEMSTAD,- Djabièrnè 31 yuli pa 8or di anochi lo bai tin presentashon di e hóben nan ku a forma parti di e Summerschool na La Tentashon.

Pa dos siman largu La Tentashon su porta nan tabata habri pa hóben nan ku a inskribi pa forma parti di e Summerschool. Den e dos siman nan aki e hóben nan a haña táyer serka stichting Rauw.
Stichting Rauw ta un grupo di kuater studiante di ArtEZ Hoogeschool voor de Kunsten, un di e miho skol nan di arte na Hulanda.

Partisipante nan di e Summerschool lo tin nan show titulá “ Girls & Boys “ ku aktuashon, baile, moveshon i mas. Den e presentashon aki lo bo por mira kon hende muhe ta pensa di hende hòmber i visa vèrsa, tambe lo por mira diferensia nan entre hende muhe i hende hòmber i nan pensamentu.

Bin pa bo mes mira kiko tur lo bai tin.Djabièrnè 31 yuli pa 8or di anochi na La Tentashon. Karchi nan ta kosta solamente Fl 10,- i ta optenibel na Teatro Luna Blou.

Pa mas informashon por tuma kontakto ku teater Luna Blou na

462-2209 òf yama òf 524-8525. Por bishita nos website www.lunablou.com òf mail nos na production@lunablou.com