Willemstad, La Tentashon ta presentá e obra “Ken mi ta”. Esaki lo tuma lugá djabièrnè 25, djasabra 26 i djadumingu 27 pa 8or di anochi. E obra ta wòrdu presentá dor di Nos Huntu Teater, un grupo di studiante di teater na Hulanda. Nos Huntu Teater ku ta konsistí di studiantenan for di e skol ArtEZ Arnhem-Hulanda. E grupo di studiante aki tabata tei aña pasa huntu ku Abigahie Pinedo, ex-studiante di La Tentashon Performing Arts Academy. Aña pasa i e aña aki Nos Huntu Teater a duna workshop durante Summerschool. Durante nan estadia na Kòrsou aña pasa e studiantenan aki a traha un tremendo show ku a hiba e nòmber Aros Brua. E aña aki nan tei bek ku “Ken mi Ta” Den e obra“Ken mi ta” e hóbennan lo trese dilanti kiko ta hasi un hende ken e ta. Kiko ta hasi un hende ken e ta? Religion, kultura, kaminda nan a nase, kaminda nan ta biba? Kiko abo ta pensa bin pa bo wak i duna bo opinion na final. E obra aki tin tur kos den dje. E ta kómiko i alabes e tin su kosnan dramátiko den dje. Wak pa bo no pèrd’é. La Tentashon ta invitá pueblo di Kòrsou kompletu pa bin disfrutá di e obra i mira e talento di e hóbennan aki. Karchi ta na balor di Nafl. 15,- i ta optenibel na takia di Luna Blou. Pa mas informashon por yama 462-2209 òf bishita nos páginanan di facebook: Teatro Luna Blou òf La Tentashon.