Nada di pago na man, 3.22% i te ku 7 aña pa paga bèk

Willemstad 17 di Mei 2017 – Esaki por ta bo mihó oportunidat pa bira doño di e outo di bo soño. CIBC FirstCaribbean i Garage Cordia a uní den un evento di un dia djasabra awor 20 di mei di 9.00 or di mainta pa 1 or di mèrdia na Garage Cordia, Zeelandia. Garage Cordia i CIBC FirstCaribbean lo tene un show di outo ku bo no mag pèrdè i kaminda lo etalá tur e diferente outo, pikòp i van di Toyota.  Tin pa kada hende su gusto.

Representantenan di CIBC FirstCaribbean lo tei pa ofresé un pakete di finansiamentu atraktivo ku ta inserá ku bo no mester paga nada na man i interes atraktivo di 3.22% (APR 5.60%) ku e posibilidat pa paga bèk den 7 aña.  Banda di esaki kada un hende ku kumpra vehikulo ta risibi te ku Nafl. 2.400,- di rebaho i pago di nan impuesto di outo paga p’ e aña aki.

“No tin nada mas dushi ku un outo nobo pa animá bo aworaki i hasie posibel pa bo hasi e ultimo parti di aña un eksito.  Lo tin un outo ta fit kada hende su nesesidat i smak, i na preisnan kompetitivo. “ Lysaira Ortela, Marketing Manager di CIBC FirstCaribbean a bisa. “Bin dal un kareda di preuba i papia ku nos speshalisanan di benta tokante di finansiamentu di e outo di bo soño” Ortela a añadi.