Djarason 25 di november 2015 Tasting Curacao a lansa su prome edishon di “Tasting Curacao Magazine, Where Taste Matters” i ku tin komo thema “spices”. E “Magazine” aki ta un “Magazine” di restaurant pa publiko general, esta pa hendenan lokal I tambe turistanan ku ta bishitando Korsou. “Tasting Curacao” ta un organishon ku ta enfoka su mes riba mundu kulinario di Korsou. Ku mundu kulinario ta ser referi na tantu restaurant nan i tambe otro establesimentunan kulinario renombra.

Meta prinsipal di “Tasting Curacao” ta pa sigi engrandese mundu kulinario di Korsou dor di promove esaki tantu riba merkado lokal i tambe merkado internashonal via di medionan soshal i partikularmente den un forma di un “Magazine”. E “Magazine” aki lo bai sali kada kwartal i lo ta gratis. Publiko por hanja esaki na varios punto nan strategiko manera entre otro tur restaurant nan partisipante I café nan lokal. Tambe esaki ta ser reparti na Hotelnan manera entre otro Mariot, Lions Dive i Troepial Inn i tambe Boekhandelnan renombra manera Mensings Kaminada i Bruna.. Restaurantnan, i agensha distribuidor partisipante ta: Osteria Rosso, Komedor Krioyo (dr Stuin), Restaurant & Cafe Gouverneur de Rouville, Fort Nassau, El Mexicano/ EL, De Dames, Fusions, Oporto, Hofi Cas Cora, Chef Smeins, Karakter, the Grill King i United Distributors.

Otro servisio ku “Tasting Curacao” ta brinda ta un plataforma “online” kaminda bishitantenan di restaurant i of otro establisimentu kulinario renombra, por duna nan opinion, esta un “review”, pa ku nan eksperensha kulinario. Dor di komparti e eksperensha kulinario aki publikamente, konsientemente ta kontribui na desaroyo general di Korsou su mundu kulinario i tambe na halsa kalidat di nos restaurantnan. Ta di importansha pa tur restaurant hanja kritika konstruktivo objetivo i honesto pa asina e por mehora su servisio. Pa medio di rednan soshal, “Tasting Curacao” ta trese informashon, tip, desaroyo I imagen nan kulinario dilanti di tantu lokal komo internashonal.

“Tasting Curacao” ta para pa kritika konstruktivo, honesto i profeshonal. Di e forma aki un invitashon ta bai na publiko general pa bishita www.tastingcuracao.com i rednan soshal manera Facebook, Instagram i tambe Twitter. Kontribui na desaroyo di mundu kulinario di Korsou. Bo experensha kulinario tambe ta konta!