Willemstad – Kuater DJ grandi di añanan 80 tei topa otro den RIO Lounge & Sportsbar Djabièrnè awor 28 di November. Ta promé bia’ ku DJ Boogieman, John Anthony, Guido Tecla i Sidney Amerikaan tei topa otro den un fiesta. Pues ya bo por imaginá kaba, ku lo ta garantia pa un bon ambiente, hopi bailamentu i rekuerdonan dushi di e epoka di 80. Kos ta kuminsá 9or “en punto” den RIO Lounge na Damacor (den e kaya di  Dierentuin). Entrada ta Fls 25,= i ta algun karchi so a sobra na Beep Beep & Mensing Caminada, komo ku RIO Lounge por tuma un kantidat limitá di hende. E idea ta ku durante e anochi aki, e popular DJ-nan di añanan 80 hibabu den rekorido, pasando den diskotekanan grandi ku Kòrsou a konosé, manera Naiks Place, The Pub, La Hacienda, La Fointaine, Comfort i hopi mas. Definitivamente tei bira un anochi dushi pa amantenan di añanan 80, ku un variashon di ritmo, fo’i Merengue, Salsa, Disco, Kadans te soft. Pues buska abo karchi i yega tempran pa bo no pèrdè nada di e “Legends Of The 80’s II” ku DJ Boogieman, John Anthony, Guido Tecla i Sidney Amerikaan, Djabièrnè awor 28 di November den RIO Lounge & Sportsbar na Damacor.