djabièrnè 6 di òktober ku Pepi Kugler Band di Alemania
Willemstad – Djabièrnè dia 6 di òktober Curaçao Lions Club ta organisá su promé “fundraising” pa e aña Leonístiko 2017 -2018 titulá “Lions Beer Fest”. Esaki ta tuma luga na e kas di Lions na Landhuis Klein Kwartier di 7 or pa 10 or di anochi. Un “Beer Fest” òf un festival di serbes ta keda organisá rònt mundu, pero esun mas konosí ta e Oktoberfest na Münich, Alemania. E selebrashon na Münich ta dura mas òf menos tres siman i ta terminá riba e promé djadumingu di òktober.
Durante un festival di serbes asina aki, generalmente e serbes lokal òf di region ta ser sirbí i den aktividatnan masha ameno, e bishitanten ta disfrutá di un tremendo ambiente ku hopi músika i delisianan manera “Bratworst”, “Schnitzel” i otro kumindanan lokal. Durante un festival di serbes ta enfoká riba hermandat, kanto i alegria. Durante di “Lions Beer Fest”, Curaçao Lions Club ta sirbi e diferente serbesnan ku nos distribuidornan lokal Licores Maduro, Leañez i Distribier ta representá. Nan patrosinió ta esensial na evento aki paso sin nan no tin un “Beer Fest” akin a Kòrsou. “Lions Beer Fest” tambe lo enfoká riba hermandat, alegria i dimes ku nos toke di ambiente lokal.
Pa duna e totalidat un toke Aleman, Curaçao Lions Club huntu ku Curaçao Tourist Board ta trese e banda más popular di Oktoberfest di Münich ku yama Pepi Kugler Band. E popular DJ Maarten Schakel tambe lo tei. E evento aki tambe ta ser patrosina pa The Trader, De Gouverneur, Caribbean Cargo, Easy FM, Securitas i Maduro & Curiel’s Bank. Manera semper ku tur fundraising di Curaçao Lions Club, tur fondo generá lo ser usá pa un bon kousa den nos komunidat. E biaha aki algun di e entradanan lo ser reservá pa yuda damnifikadonan di e orkan Irma na Isla’riba.
Entrada pa “Lions Beer Fest” ta solamente ANG 125,- i ta inkluí serbes, soft i kuminda ilimitá. Karchinan ta optenibel na Mensing’s Caminda, Van den Tweel Supermarkt Zeelandia i Jan Thiel i serka miembronan di Curaçao Lions Club. Pa mas informashon por bishitá nos Facebook page www.facebook.com/Curacaolions òf por tuma kontakto ku Lion Gibi Goilo na 560 22 91.