WILLEMSTAD- Maduro & Curiel’s Bank  ya pa un tempu kaba a inisiá e proseso pa kambia tur su tarhetanan di krédito pa esun ku chip. Entrante luna di ougùstùs 2013, Maduro & Curiel’s Bank N.V. lo inisiá distribushon di e  tarhetanan EMV chip card di Visa Classic, Visa AAdvantage, i Visa Platinum. Despues di a introdusí Bankomatiko smart card i MasterCard Black Business smart card,  MasterCard Classic, MasterCard Corporate i MasterCard Gold, awor Bo Banko Amigu a tuma e paso pa konvertí tur su tarhetanan di krédito Visa Classic, Visa AAdvantage, Visa Platinum AAdvantage tambe pa tarhetanan EMV chip.  Ku e logro aki alabes Maduro & Curiel’s Bank N.V. ta e promé Banko na Kòrsou ku ta emití un tarheta di Visa ku e teknología di EMVchip. Ku e tarhetanan EMV chip card klientenan di Maduro & Curiel’s Bank N.V. ta benefisiá di akseptashon mundial mas amplio, espesialmente na Oropa i ku seguridat mas haltu. Asina MCB ta proba un bes mas di ta é lider den inovashon. Pa fasilitá tur kliente ku aktualmente tin un tarheta MCB Visa Classic, Visa AAdvantage i Visa Platinum, Maduro & Curiel’s Bank lo remplasá tur tarheta pa EMV chip card mensualmente segun fecha di vensementu di e tarhetanan. Pa tur kliente, e mesun PIN (kódigo sekreto) aktual ta sigui funshoná. Durante e lunanan benidero Maduro & Curiel’s Bank lo anunsiá distribushon di e otro  tarhetanan EMV chip card.