‘Brunch Buffet’ pa selebrá dia di mama

WILLEMSTAD – Mei 2015– Trabou di mama ta ilimitá; ademas di kompartí amor mama ta sòru pa bienestar di su famia i ta únikamente un bes pa aña nos ta haña oportunidat pa gradisí mama na un manera spesial pa su esfuersonan inkansabel. Djadumingu 10 di mei próksimo Renaissance ta invitá tur mama kompañá ku nan famia pa forma parti di e ‘Mother’s Day Brunch’ kuminsando for di 12:00pm. Hasi e Dia di Mama unu realmente inolvidabel ku un sukulento brùnch inkluyendo un ‘welcome drink’  i bebidanan no-alkohóliko pa solamente Naf. 75.00 pa persona. Muchanan bou di 5 aña ta kome grátis i muchanan riba 5 aña ta risibí 50% di deskuento riba e preis normal. Den e ballroom di Renaissance Resort ‘Atrium’ lo tin entretenimentu bibu di One-Way Band. Ademas di esaki lo tin kompetensia estilo di  ‘Mama Modelo’ pa premia e mama ku e bistí di mas impaktante, vários rifa ku oportunidat di gana premionan fabuloso i hopi mas. Un bunita rekuerdo; lo tin un photo booth spesial pa saka potrètnan spòntan ku mama. Ta bon pa menshoná ku brùnch lo wòrdu sirbí den tantu Nautilus komo Atrium. Na Nautilus lo tin entretenimentu bibu di Gilmar Fraites. E aña aki Renaissance ke regalá mama un trit perfekto pa selebrá su dia. No warda! Hasi reservashon pa e ‘Mother’s Day Brunch’ na 435-5000 ekstenshon 5009 òf manda un e-mail na nsoleana@curacaorenaissance.com.  Renaissance Curaçao Resort ta deseá tur mama di Kòrsou un felis Dia di Mama!