Despues ku Marchena Braves a promové pa beisbòl Dòbel A 4 aña pasá, kos no a bai muchu bon pa e ekipo, resultando den bòm di e liga tur 4 aña. Despues di deliberashonnan a tuma desishon pa trese kambio den e ekipo. Sr. Gianni Sille a tuma e desishon pa distansia su mes for di e mundu di beisbol esei a trese kune ku E organisashon di Braves a opta pa bini ku un kara nobo pa fungi komo nan General Manager Ta trata aki di sr. Jedrek Magdalena, un hóben dinámiko di 26 aña bastante konosí den varios ramo di deporte entre otro beisbòl, sòftbòl, ‘rugby’, futbòl merikano i atletismo. Sr. Magdalena a praktiká e deportenan aki na nivel haltu na diferente pais na mundu i tambe a forma parti di tim di maneho di selekshon i otro organisashonnan. Tambe e hóben aki ta basta versá den e mundu komersial i merkadeo.

Ku e kombinashon di konosementu deportivo i komersial, e hóben aki lo hasi tur esfuerso necesario pa hiba Marchena Braves na logronan grandi p’e próksimo temporadanan aki.

E hóben aki ta definitivamente un atkisishon pa e organisashon, sigur mirando ku tambe e tabatin oferta pa djòin direktiva di FEBEKO, pero a skohe pa e posishon di General Manager di Marchena Braves.

Den palabranan di e GM nobo “Un era nobo ta bai kuminsá pa nos beisbòl lokal i Marchena Braves lo enkabesá esaki”.

Keda pendiente pa mas moveshon.