KRALENDIJK- OUG 2014: E promé ganador di e kampaña a bira konosí, ora ku e tim di Digicel tabata den studio di Radio Digital serka Dj Marvin i a realisá un yobida di premio! A regalá diferente premio e.o karchi di yamada, diferente goody bag i tambe telefòn selular pa despues pasa pa regalá e premio grandi, e $1,000 kèsh. “Klientenan ta masha entusiasmá ku e kampaña; e interes di parti di e usuarionan di Digicel ta inmenso. Nos ta felisitá Sr. Silberie ku a resultá nos promé ganador”, esaki di akuerdo ku Nicola Conquet, Marketing Executive Digicel Boneiru. Pa partisipá ta fásil: E kliente lo tin ku ‘Top up’ (rekargá) ku $3 òf mas i outomátikamente e lo ta partisipando. Kada bes ku e kliente rekargá na Digicel den Kaya Grandi òf serka kualkier rebendedó e ta partisipá den e kampaña. Ademas di esaki, tur kliente ku sera un kuenta postpago nobo tambe tin chèns di gana den e kampaña. Sr. Silberie a partisipá dor ku e’la apliká pa un kuenta di postpago nobo i korektamente e’la kontesta “Digicel… Esun Dibo!” ora ku e’la wòrdu yamá for di studio prinsipal di Radio Digital. Djabièrnè último a hasi entrega di premio na Digicel den Kaya Grandi. E kampaña lo ta vigente te ku dia 30 di sèptèmber próksimo. Semanalmente lo saka e premionan via di Radio Digital. Lo yama un number di telefon, e persona ku kontestá e yamada e momentu ei lo mester kontestá “Digicel… Esun Dibo!”- únikamente asina ei e lo gana e premio. Sea ta e, $1,000 kèsh òf un Smartphone. Otro siman lo rifa un Samsung Galaxy S5, pues ta invitá tur kliente pa nan keda pendiente i gana tremendo premio. Pa mas informashon tokante produkto, promoshon òf e tremendo kampaña aki por bishita www.digicelbonaire.com òf e página di facebook www.facebook.com/DigicelBonaire