Despues ku un grupo di ex-studiante di Marnix Mavo a organisa un “reunion” den 2015 pa ex studiante nan ku tabata den klas huntu, hopi ta esnan ku a pidi un ripitshon komo ku e tabata un exito rotundo. Tur esnan ku a akudi a goza di e oportunidat di topa bek amigo (a) I Maestro (a) nan den un ambiente super ameno.

Pa e sigiente “reunion” aki un invitashon special ta bai na tur ex-studiante ku a bai Marnix Mavo den anjanan 80. E biaha aki tambe diferente Maestro (a) lo tey presente. Riba Facebook e ex- studiante nan di Marnix a logra di lokalisa hopi ex-studiante I maestro (a), pero komo ku no ta tur hende tin Facebook a opta pa invita ex studiante I maestro (a) nan pa medio di e komunikado di prensa aki.

E reunion ta tuma luga Djabierne 4 di Maart 2016 for di 6pm na Oporto Restaurant (Waaigat). Pa mas informashon por bishita e Facebook Group: Marnix Mavo of the 80’s of por email na marnixmavo@gmail.com