Awe, 27 di novèmber

WILLEMSTAD-NOVEMBER 2014-Maske no ta un selebrashon tradishonal den Karibe, tòg ta importante pa sinta huntu na mesa i yama ‘danki’. Tur esnan ku awe, djaweps dia 27 di novèmber ke selebrá e dia di ‘Thanks giving’ por hasi esaki na Curaçao Marriott Beach Resort & Emerald Casino. Marriott lo ofresé platonan tradishonal durante di e sena di “Thanks Giving Day” na Merka. Por ehèmpel un sukulento sòpi di ‘turkey’ (Turkey Consommé) ku ‘egg noodles’ komo entrada. Ademas di esaki, ta ofresé un variashon amplio di salada i diferente sorto di pan. Ora kaba di disfrutá di esei; e fenomenal Turkey ku su tradishonal i popular ‘cranberry sauce’. Ademas di e tur e platonan bon prepará i di kalidat superior, tin un variashon amplio di ‘dessert’ ku a keda prepará e.o disfrutá di ‘Pumpkin Pie’ (Bolo di Pampuna), Pecan Pie, Apple Pie, Pineapple Upside Down Cake òf un delisia di ‘chocolate mousse’. Tur esaki pa 96 florin ($54) pa persona- ekskluyendo impuesto i kargo di servisio. Muchanan entre 6 ku 12 aña ta paga $25 i tur mucha bou di 6 aña ta kome grátis. Reservashon ta nesesario. Awe djaweps, dia di ‘Duna Danki’ bishitá Portofino Restaurant na Curaçao Marriott Beach Resort & Emerald Casino.* Pa reservashon yama 736.8800.