Fundashon Kas di Kultura Kòrsou ta invitá Komunidat  di Kòrsou na ‘Marshe di Pasku’ 2014 ku ta tuma lugá riba djasabra 20  di desèmber 2014  di 9ór di mainta pa 5’ór di atardi na Plasa Wilson Papa Godett, e Plenchi dilanti pòstkantor den Punda, Bin Punda pa gosa den un bon esfera di ambiente di Pasku, kana keiru, wak i òf kumpra, segun propio forsa, artíkulo i produkto ku tin di haber ku Fiesta di Pasku, kaminda naturalmente  kos di kome típiko di fin di aña i kos di boka dushi . Fundashon Kas di Kultura Kòrsou ta hasi un yamada na tur persona ku ta deseá di hür un stènt, pa pasa inskribí entrante djaluna 27 di òktober próksimo na Kas di Kultura. Gastu pa hür di stènt ta fl.50,-. Por inskribí te ku djabièrnè 28 di novèmber 2014. Persona di kontakto ta sra. Dana Elisabeth (4347313). Tambe por mail na info@kasdikultura.cw. Kultura, e motor pa desaroyo duradero!