WILLEMSTAD – Entrante fin di Yüni 2017 Mau-Asam Travel ta ofresé biaheronan un seguro di biahe di ENNIA ora nan buk nan biahe. Tantu e pakete di biahe komo e seguro por wòrdu pagá ku Fun Miles.

“Ya pa 30 aña Mau-Asam Travel ta un di e agentenan di biahe mas renombrá na Kòrsou”, asina Sr. William Glenn Mau-Asam, Managing Director Mau-Asam Travel, a deklará. “Ku un oferta aplio di pakete di biahe i diferente produkto di biahe nos ta sobresalí den e sektor di biahe riba nos isla. Serka nos bo por buk un ticket di biahe of hür un kamber di hotèl òf outo, pero tambe un pakete di biahe kompleto pa hinter famia. Nos ta representá tur kompania di krusero. I awor nos a amplia e pakete di biahe ku un seguro di biahe di ENNIA.”

ENNIA ta e kompania di seguro mas grandi na Kòrsou, Aruba i Sint Maarten i desde 1948 ta ofresé e seguro di biahe mas amplio na Kòrsou ku benefisio úniko i un gran asortimentu di produktonan di seguro. Pues, bo por biaha sin ningun preokupashon ku un seguro di biahe di ENNIA, ku tambe ta ofresé kuido médiko, seguro di kanselashon i otro benefisio manera por ehèmpel e number di emergensia mundial ku ta disponibel 24/7.

Mau-Asam Travel ta e úniko organisashon di biahe na Kòrsou kaminda e kliente por spar i paga ku Fun Miles. Tambe e seguro di biahe di ENNIA por wòrdu pagá ku Fun Miles na Mau-Asam Travel.

“E kolaborashon ku ENNIA aki ta sòru ku nos por sirbi nos kliente aún mas mihó”, asina Sr. William Glenn Mau-Asam a sigui bisa. “Banda di un seguro di biahe ekselente, ENNIA tambe ta ofresé tep útil. E kliente por mira esaki riba e website www.ennia.com/acties/Vakantie-preventietips

Akinan kliente di ENNIA por haña tur informashon pa kon por biaha bon prepará.”

ENNIA ta sumamente orguyoso di e partnership ku Mau-Asam Travel i ta deseá tur hende na Kòrsou un fakansi sin doló di kabes.