Willemstad – Maduro & Curiel’s Bank e aña aki tambe a partisipá na e akshon di limpiesa grandi di Curaçao Clean up. Koleganan di MCB huntu ku nan famia a adopta e área di Scharloo, kuminsando na Parke Leyba i tambe e ruta ku e Trolley ta pasa diariamente ku turista. Atlantis Tours a pone e trolley disponibel pa MCB, i a kore e ruta kompleto parando regularmente pa e koleganan di MCB por baha i limpia e área. Tambe MCB  a pone atenshon adishonal na limpiesa di e kura di e monumento ku antes tabata ‘Club di Chines’ na Scharloo. Aki koleganan di MCB huntu ku Kònsul general di China, señora Chen Qiman, i algún kompatriota Chines a pone man na obra i limpia e kurá aki kompletu. A hasi uso di trùk grandi i bobcat. Ta e intenshon según Konsul di China pa hasi e trámite i akshonnan nesesario pa restourá e bunita edifisio aki pronto.  E akshon di limpiesa di nos amigunan di MCB a konta ku un total di 105 persona.