WILLEMSTAD – ta ku plaser MCB i MasterCard ta anunsiá ku awor ta saka 2 ganador pa Grammy Awards ku ta tuma lugá dia 28 di yanüari 2018 na New York. Kada ganador por bai ku 1 kompaño, pues total 4 persona por eksperensiá e espektakulo musikal i di premio ekslusivo aki, kortesia di Bo Banko Amigu i MasterCard.

Grammy Roadshow

Djaweps dia 28 di desèmber durante e último Thursday Punda Vibes e tim di promoshon di MCB Grammy Awards ta di 5.30 pm pa 8.30 pm den Punda na e palu di Pasku grandi dilanti nos brùg Emma. Durante di Punda Thursday Vibes klientenan por saka potrèt ku chèns di gana un Kompa Leon Gift Card di NAf 25,- òf un MasterCard prepaid ku $50.-.

Tur kliente ku paga ku nan tarheta di MCB Bankomatiko/Maestro, MCB MasterCard credit card òf MCB prepaid MasterCard na kualke negoshi den Punda durante Punda Vibes riba e dia aki tambe por drai e wil i gana premio instantaneo. E tim di TCFM tambe ta presente pa transmití life na 93.3 FM i na kanal 26 ku músika, entrevista for di e booth di MCB Grammy.

Kada biaha ku bo usa bo MCB Bankomatiko/Maestro debit card, MCB MasterCard credit card, òf MCB prepaid MasterCard® bo ta partisipá outomátikamente den e rifa ku chèns di gana un tremendo trep pa presensiá e di ­60 edishon di GRAMMY Awards® na New York.

Premio ta konsistí di pasashi ida i buèlta pa New York pa dos persona pa 4 dia, un tarheta di krédito MasterCard prepaid na balor di $1000,-, estadia na hotèl, akseso VIP pa presensiá GRAMMY Awards, tour privá pa konosé New York City, masashi i makiyahe serka un profeshonal, entrada pa MasterCard pre-GRAMMY VIP reception i akseso na MasterCard After Party. E kampaña di Grammy Awards ta terminá dia 3 di yanüari 2018 i no ta posibel pa kambia premio. Mas bo usa bo tarhetanan MCB Bankomatiko/Maestro, MCB MasterCard credit card òf MCB prepaid MasterCard, mas chèns di gana bo tin. Por sigui e kampaña riba Facebookpage di MCB Bankcard Services.