Willemstad – Resientemente Maduro & Curiel’s Bank a hasi entrega di e NISSAN Sentra nobo nobo ku sr. Rodney Carolina a gana den e gameshow mas eksitante na TeleCuraçao, Bai’e. Sr. Rodney Carolina a representá sra. Maureen Milliard i suerte tabata kuné ora ela drai e wil i bai ku tur yabi inkluso esun ku ta start e outo.

Pa e temporda di Bai’e aki, ta e di dos biaha ku un kliente di MCB ta resultá ganadó i un outo nobo.

Mariela Romero i Medgar Isebia representando Maduro & Curiel’s Bank, despues di a risibí e yabi di direktor di TeleCuraçao, Hugo Lew Yen Tai, a felisitá Rodney Carolina ku su outo, pero tambe a yama señora Maureen Milliard masha danki pa skohe pa hasi uso di e servisio di PAGOmatiko. MCB ta é banko kompleto i inovativo brindando tur kliente diferente servisio i benefisio.

PAGOmatiko ta un servisio di Maduro & Curiel’s Bank ku bo por paga varios resibu, rekargá telefòn prepago i kumpra Pagatinu. Pa hasi uso di PAGOmatiko no tin gastu adishonal, bo ta paga bo resibu fásil, lihé i kumbiniente na mas ku 100 lokalidat rònt Kòrsou. Por paga ku Kompa Leon, kualke tarheta Maestro òf sèn kèsh.

Tur luna MCB ta saka 2 ganadó ku ta representá Bo Banko Amigu den e gameshow Bai’e, ku chèns di gana sèn kèsh òf un outo nobo. Ora di paga resibu, rekargá telefòn prepago i kumpra Pagatinu pidi pa e úniko servisio ganadó, pidi pa PAGOmatiko di MCB!