ORANJESTAD, Aruba – 22 di mei 2016: Diabierna ultimo prensa local a disfruta di un momento ameno cu personal di McDonald’s pa lansamento di “Angry Birds Movie Happy Meal”. E famoso “Angry Birds and Pigs” a haci nan entrada na McDonald’s cu un coleccion fabuloso di 14 diferente regalo cu ta bin cu e diferente Happy Meals. E saco di batata y e cup cu ta bin cu e Happy Meal tambe ta inclui un diseño di Angry Birds. Riba cada cup di Angry Birds tambe tin un wega.

Miembronan di prensa a ricibi un version special Extra Large di e caha di Happy Meal cu un T-shirt, un pechi y un pagina pa kleur como regalo. Nan reaccion tabata “priceless” y un prueba mas cu Happy Meal di Mc Donald’s no ta solamente pa kids” so, pero sigur tambe semper hopi bon disfruta pa adultonan.

Gerente di operacion, Sulina Vrolijk, a splica cu e coleccion di “Angry Birds: The Movie” ta obtenibel pa un tempo limita y ademas di e Happy Meal tambe tin un Angry Sundea, un ijscream di vanila cu strawberry y topping di Oreo cookies.

Sulina Vrolijk a agrega cu e diversion ta sigui den e mundo digital, cu e “app” Angry Bird Action, cu tin contenido special, incluyendo un “mini game” y caracteristicanan nobo pa personifica “selfie”. Cada cos di hunga tambe ta inclui un “bird code” riba e paki.

Riba McDonald’s McPlay app den Apple Store y Google Play a inclui Toy Recognition Technology, unda cu pa medio di “scan” e co’i hunganan ta ricibi acceso pa e e-book Funny Costumes, y otro weganan.

McDonald’s ta invita grandi y chikito pa cumpra nan Happy Meal awe mes y disfruta nan coleccion exclusivo di Angry Birds, “live” y digital.