ORANJESTAD, Aruba – 20 di juli 2016: McDonald’s Aruba a introduci su coleccion y tema nobo di “Happy Meal” basa riba e pelicula “The Secret Life of Pets” na su restaurantnan situa na Santa Cruz, Sero Blanco y Palm Beach. E Happy Meal di McDonald’s ta masha popular y ta varia for di hamburger, cheeseburger of McNuggets y ta bin cu un di e 10 peluchenan di e coleccion simpatico aki.

“The Secret Life of Pets” ta un pelicula anima di Universal Pictures y Illumination Entertainment cu ta duna un bista den e bida di mascotanan ora cu nan doño bay trabao. E personahe principal ta Max, un cacho di rasa “Terrier” cu a wordo salba pa su doño. Ora cu su doño yega cas cu un otro cacho, Duke, Max su mundo ta bolter boca’bao. E dos cachonan no ta gusta otro, pero ta haya nan mes ta traha hunto ora cu nan haya nan mes riba cayanan di New York City. Nan ta pasa di un aventura p’e otro y ta haci tur esfuerso pa yega cas bek na ora pa come.

McDonald’s Aruba ta invita clientenan pa colecciona tur 10 peluche di e coleccion “The Secret Life of Pets” cu nan Happy Meal preferi.

Arcos Dorados ta e franquisia di mas grandi di McDonald’s den termino di  benta mundial y cantidad di restaurantnan. E compania ta e cadena di mas grandi den servicio rapido (“QSR”) den  Latino America y Caribe. E tin e derecho exclusivo pa dirigi y maneha e franquisia di restaurantnan di McDonald’s den 20 teritorio den Latino America y Caribe incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.

E compania ta opera of tin franquisia di 2,100 Restaurant McDonald’s cu mas di 90,000 trahado y ta   reconoci como un di e miho companianan pa traha cu n’e den Latino America. Arcos Dorados ta riba bolsa di New York Stock Exchange (NYSE: ARCO). Pa mas informacion tocante  di e compania, bishita nos seccion di inversion of bay riba nos website: www.arcosdorados.com/ir