Oranjestad, Aruba- juli 2016; McDonald’s ta celebra e yegada di e pelicula hopi anticipa “The Secret Life of Pets” cu un “animal care drive” na beneficio di Animal Rights Aruba.

Riba dia 30 di juli for di 10or di mainta pa 1or di merdia, McDonald’s lo ta colectando cuminda pa cacho y pushi, tanto di saco (seco), como cuminda di bleki, banchi pa cacho y pushi, “leash”/cadena pa cana cu cacho, “bench” (baki/tas special pa carga mascota den dje), metodonan/venenonan pa trata purga y carpata, shampoo pa cacho, y mas.

“Na McDonald’s nos ta haci nos miho esfuersonan pa mantene nos reputacion como un restaurant pa henter famia, y ta un “bon bisiña”, tambe pa nos mascotanan. Nos ta invita clientenan pa pasa bishita nos restaurantnan y trece un regalo chikito cu ta bay pa Animal Rights Aruba y e mascotanan cu nan ta rescata,” Sulina Vrolijk, Operation Manager di Arcos Dorados a laga sa.

“Nos ta invita comunidad henter pa uni cu nos den e accion aki, unda cu nos partner, Animal Rights Aruba, tambe lo ta presente pa splica tocante di nan tareanan diario y nan trabao comunitario. Tur contribucion ta conta y ta yuda den e trabao valioso cu Animal Rights ta haci,” Vrolijk a conclui bisando.

Bishita McDonald’s riba dia 30 di juli y contribui na e bon causa aki.