Tur fondo rekoudá lo bai pa Ronald McDonald House Charities (RMHC) Curacao Foundation.

Kòrsou, 25 di novèmber, 2014 – Djabièrnè siman pasa, McDonald’s den kasi tur pais Latino Amérika, y tambe Kòrsou a eksperiensha un dia spesial. McHappy Day a wòrdu selebrá riba djabièrnè, 14 di novèmber, McDonald’s su fundraiser annual pa trese mas tinu anto e fondo nan rekoudá pa medio di  benta di  Big Mac’s riba e dia aki ta bai pa Ronald McDonald House Charities.  Na Kòrsou, mas ku 3,920 Big Mac’s a wòrdu bendí pa un bon kousa. Henter dia tabata tin vários aktividat na McDonald’s entre otro: pintamentu di kara i un balloon artist tabata presente na tur e 5 restorant nan di McDonald’s komo entertainment pa e muchanan, live broadcast na McDonald’s Saliña Galleries di 88 Rock Korsou ku Tahnee Jane i Ramil, DJ NRG (Alex Sargo), DJ Nigel, DJ RD, Chris Celestina, Brian Rosa, Los Originales i un brass band tur a toka na McDonald’s e dia ey i tambe Ompi Tio tabata tei pa e mucha nan. A honra nos tambe ku su presencia Hensley Meulens, batting coach di San Francisco Giants  ganador pa di 3 biaha di World Series di Baseball .  Tambe tatin hopi beisbolista di Kòrsou ku ta hunga den major league i minor league ku a hasi un celebrity appearance: Jonathan Schoop, Sharlon Schoop, Yurendell de Caster, Shairon Martis, Juremi Profar,  Chris Garia, Sherman la Crus i Arshwin Asjes. Otro celebrity nan  ku a duna un man ta entre otro Shadira Bislick, Gino Cuello i Kadir Snijders. Miss Curacao Teenager Mynesha Reinita i su ruman tambe tatei huntu ku otro Miss manera Melisa Mejia Munoz i Nashaira Balentien. Miss Curacao Laureen Angelista tambe tatei. Un danki speshal ta bai na Radulphus College, Vigdis Jonckheer Mensing College i International School of Curacao  ku huntu a bende 16.979 manitas  ku a bai pa RMHC. I tambe un danki  na e differente empresanan ku a kontribui ku kompras di manitas i Big Mac vouchers! E fondo rekoudá ta bai kompletamente pa Ronald McDonald House Charities Curacao Foundation. Asina nan por sigui yuda i sostene muchanan i nan famia ku ta pasando den un tempu difisil. Ronald McDonald House Charities ta yuda, krea i sostene programanan ku ta mejora e salu i bienestar di muchanan na Kòrsou i e isla nan den bisendario. “Nos ta sumamente agradesido ku e yudansa tremendo di e komunidat kompleto di Korsou ku  durante McHappy Day,  a yuda nos kontribuí na e bienestar di e muchanan y famianan na Kòrsou,” Jennifer Poulina di Arcos Dorados Kòrsou a bisa. Riba djabièrnè, 14 di Novèmber, hopi pais den Latino Amérika i Isla nan Karibense a selebrá McHappy Day pareu pa benefisiá Ronald McDonald House Charities y otro organisashon sin ganashi pa mucha nan den e region. Pa mas informashon, bishita nos website www.mcdonaldsdwi.com òf nos Facebook page McDonald’s Curacao & Aruba.