Despues di un tremendo show di mama a la Indian Style i tambe hopi petishon hasí pa bini ku show di Tata nos tey bèk atrobe. Mainta ku Sherry tey un biahá mas pa laga tur e tatanan sinti ku nan tambe por wòrdu malkria riba nan dia. 19 di Juni awor nos ta bai selebra en grande ku nos Tatanan. E selebrashon lo ta estilo “Sherry’s Father’s day Cuban Show”. E show aki ta tuma luga na Landhuis Chobolobo di 18:00 pa 22:00. Tin presentashon di diferente dama e atardi/anochi aki ku tey spesialmente pa malkria e tatanan. Den e show tin presentashon di Gigi Clotida, Lady Ella, Chaika, Honey Sexy Dancers i mas ku klaro la dama Cynthia Martina. E parti di animashon lo ta na enkargo di e tremendo dama DJ, Dj Lu-C. Pa korona obra e uniko kabayero ku lo ta presenta den e show pa defende e tatanan riba e dia aki ta e konosido Mason. Preis di entrada pa e tremendo show aki ta general Nafl 60,00 i VIP 163,50 ku ta inklui 5 drinks i tambe snacks.  Kaarchi ta optenibel na Mensing Caminada 24 uur uit de muur i tambe Make a Change Barbershop.
!No lubida riba e “dresscode” ku ta “All in White”. Abo mama ruman òf yu esaki ta e chèns pa demostra nos tatanan kuantu nos stimanan. Karchi ta limita pues pasa i kumpra di bo lihé. Si bo a tende kon Sherry’s Mother’s day Indian Show a bai bo no mag di pèrdè esaki. Pa mas informashon por yama 6783560.