ENNIA ta selebrá bida i ta regalá e promé beibi di aña un ENNIA Baby Box ríkamente yená. Na Kòrsou e mayornan nobo di beibi Mell Mahia ku ta esun promé ku a nase den 2017 a risibí un pakete ekstenso di produkto pa mayor i yu.

Dia promé di yanüari di 2017 ENNIA ta introdusí e ENNIA Baby Box. Den koperashon ku su sosionan SuperRetail (Rituals, Top1Toys, Bruna i SuperKidz) i Manrique Capriles (Johnson’s Baby) ENNIA a kompilá un pakete ku ta kontené produkto pa prevenshon, e My ENNIA Baby Book, bunita regalito, bòn di regalo i produkto pa kuido tantu pa mayor komo pa e beibi. E ENNIA Baby Box, huntu ku un MultiCard di Banco di Caribe na balor di $100, a ser entregá ofisialmente na mayornan di e beibi ku a nase komo promé e aña akí.

Mell Mahia a nase 03:52 ta pisa 3150 gram i ta midí 49 cm i ku esei e tabata e promé yu ku a nase den 2017 na Kòrsou.

Kliente di ENNIA na Kòrsou tambe por bini na remarke pa haña e ENNIA Baby Box. Tur kliente ku tin un seguro di kuido di ENNIA i ku ta serka di duna lus ta risibí e ENNIA Baby Box ora ku nan bin tuma nan karta di garantia pa e parto na e bali di ENNIA. Kliente ku tin un seguro kolektivo di kuido, bida òf penshun di ENNIA ta risibí e ENNIA Baby Box despues di e parto for di nan agente di seguro òf nan konsehero di seguro di ENNIA

ENNIA ta deseá Mell Mahia hopi amor i felisidat, i ta felisitá e mayornan Ocando Loaiza Dayana i Arnold Peralta ku nasementu di nan yu.