Willemstad, Teatro Luna Blou & La Tentashon den koperashon ku Amsterdamse Hogeschool voor de Kunsten ta presentá un biaha mas e obra “Mi ta Kas” dia 27 yüni 8or di anochi na La Tentashon.“ Mi ta Kas” ta un obra dirigí pa Linda Bosch & Roxanne Stam for di Hulanda. Nan a traha a base di improvisashon i teksto ku hóbennan yu di Kòrsou entre 18 pa 22 aña mes a skibi. Un total di 7 hóben, Chino Abrahamsz, Christopher Barrow, Juendric Boeldak, Ysanne Donker, Zaërick R. Martha, Benjamin Martis & Raïsha Williams lo presentá nan propio historianan. E obra ta bai tokante di e influensha kaminda bo a krese, influensha di otronan, bo identidat i soñonan. E lugá kaminda bo ta bida por tin deaber ku bo personalidat? Òf kisas bo ta sintibu mihó otro kaminda ku no ta bo kas? Nan tabatin 2 presentashon kompletamente yen dia 24 i 25 di e luna pasa i pa motibu di petishon, a disidí di hasié un biaha mas. E ta un obra ku ta ponebu kòrda bo infansia òf kosnan ku kisas ba yega di hasi den pasado tempu ku bo tabata mas yòn. Públiko a gosa un bòl ku e obra aki pues abo tambe bin eksperensia “ Mi ta Kas” Djabièrnè 27 di yüni 7or di anochi na La Tentashon. Karchi ta na balor di Nafl 10,- optenibel na Teatro Luna Blou, Time to Time (Saliña) i na Servei (St. Maria). Pa mas informashon por tuma kontakto ku Luna Blou na:462-2209. Por bishita nos facebook page: Teatro Luna Blou òf La Tentashon.