Dia 6 di ougùstùs 2016, Kòrsou ta kla pa e di dos edishon di “ Mid-Year Jump in Concert”.

“ Mid-Year Jump in Concert” ta e konsierto kaminda nos ta rebibá e temporada di karnaval i alabes hasi antesala pa e temporada kaminda pueblo tur aña di nobo ta warda riba dje. 2015 e konsierto aki tabata unu eksitoso i kibra tur rekòrt. Hopi ta esnan ku a gosa, jump i rebibá e temporada kaminda goso, rekuerdo i entusiasmo pa karnaval ta lanta. E organisashon tras di e magno evento aki ta e grupo di karnaval ku a hasi su debut na aña 2016 ku ta Helengue. Karnaval ta i keda e temporada kaminda pueblo ta uni i disfrutá di e temporada i ta pesey netamente ta organisá e segundo edishon di “ Mid-Year Jump in Concert” pa asina nos uni pueblo ku otro i pa nos jump i gosa bai. E dia 6 di ougùstùs nos lo kombertí Kleine Werf den un isla kolorido kaminda músika i efekto visual ta bai kontra ku blas grandi, string spray, konfetti i huma. Loke ta hasi e evento aki aun mas jolly ta e gadgetsnan ku nos ta parti pa asina e públiko por dòrna nan mes ku ne i kana drenta. Tin peluka, sombré, brel, boa i hopi mas i ta urgí e públiko bista na kolo fèl estilo Neon pa e ambiente keda kolorido. E anochi ta kuminsá 20:00 i terminá e biaha aki 02:00 di mardugá debí na e parti grandioso di entretenimientu. Ta bai tin presentashon di “best of the best” bandanan lokal Gio, Gentz, Dreams ku HNLY i e banda ku ta bai hasi su debut ku ta Hak’e Helengue i alabes e DJ-nan mas Hot i aktual ku ta Maarten Schakel, Ro-1, Decky i Ramil i pa korona e anochi nos tin presentashon di un artista ku ta yega Kòrsou ku avion i ta bai pone tur hende bira loko. Aña pasa nos a konta ku un kantidat grandi ku a presensia “ Mid-Year Jump in Concert” e aña aki nos ta bai hasi e evento aun mas grandi. Ta e intenshon pa nos yena Kleine Werf lata lata choria choria paso ambiente, goso i intretenimiento lo ta total dia 6 di ougùstùs próksimo. E aktividat ta unu di pueblo i ta pesey nos ta brinda bo karchi super barata na balor di Fls 50,- i ta optenibel na Beep Beep, Mensing, 24 uur uit de muur. E aña aki e “ Mid-Year Jump in Concert” ta bai bira aun mas grandi, kolorido i aun mas jolly. E aña aki wak pa bo no keda afó, pues kumpra bo karchi pa bo presensia e di dos edishon di “ Mid-Year Jump in Concert” ku ta hiba e tema “E isla kolorido”. Ban pa bai paso Kleine Werf ta bai ta choria. Yama 5213700 pa karchi i si bo kumpra 5 karchi bo ta risibí 1 pòrnada. Mid Year Jump concert ta konta ku patrosinio di Amstel Bier.