Willemstad, 27 mart 2015, Minister di Enseñansa, Siensia, Kultura i Deporte, sra. Irene Dick ta risibí un delegashon di Scouting Antiano na Ministerio di Enseñansa pa felisitá nan ku selebrashon di nan di 85 aña eksistensha komo organisashon scouting na Kòrsou i firma na nòmber di Gobièrnu di Kòrsou e proklamashon 2015 relashoná ku luna di aprel “Luna di Scouting”.

PROKLAMASHON

Konsiderando:

• Ku Gobièrnu di Kòrsou na aña 2014 a proklamá luna di aprel komo “Luna di Scouting”;
• Ku Scouting Antiano ta kumpli 85 aña di eksistensia den aña 2015;
• Ku tin un kantidat grandi di lider boluntario hóben i adulto ku ta duna nan
• tempu liber ku hopi amor pa yuda desaroyá nos hubentut pa realisá nan
• potensial i soñonan;
• Ku Scouting Mundial a duna su miembronan e reto pa krese bira e organisashon
• mundial mas grandi di hóben pa alkansá 100 mion scout na aña 2023.

Ta proklamá:

• Ku Scouting Antiano ta bai e reto pa riba nos Pais Kòrsou bunita perkurá pa su organisashon krese manera un mata ku ta bira un palu ku rais fuerte den tera i ku hopi rama ku ta representá nos barionan ku nan hóbennan ku lo realisá nan soñonan atraves di programanan atraktivo;
• Ku e lema di Lord Stephenson Smith Baden Powel (“Tata spiritual” di Scouting) ku Scouting Mundial a skohe “Leave this world better than you found it”, tambe lo konta pa nos tur;
• Ku Scouting Antiano ta kontinuá eduká lidernan hóben ku ta prepará, guia i protehá nos hóbennan;
• Ku e herensia di Scouting Antiano pa pueblo di Pais Kòrsou ta
• hóbennan ku pa generashon tras generashon lo brega pa un mihó Kòrsou.

Curaçao, 25 mart 2015, Minister di Enseñansa, Siensia, Kultura i Deporte Irene Dick