Bou di un solo radiante den un ambiente playero, Coridja Stars Productions ta presentá e  “Pèrlanan di Kòrsou” den sertámen Miss Playa 2013. E seis kantidatanan pa Miss Kòrsou 2013, a prepará un tremendo espektákulo rondó di pisina di Floris Suites Hotèl,  kaminda nan lo desfilá den trahenan di baño di “Emilia” i sapatunan di “Famoure” i tambe trahe di baño di nan propio kreashon. E  atardi lo konta tambe ku un tremendo show di moda i animashon musikal di DJ RO-1, i baile di apertura di D’Art. E evento aki lo kuminsá 3’or di atardi. Tur persona ku no a logra haña karchi por sigui e transmishon bibu, na nos planta nashonal Tele Curaçao te den bo kas, spesialmente pa tur e bon yunan di Kòrsou ku ta dushi hende. Coridja Stars Productions ta gradisí e siguiente spònsernan pa nan kontribushon  balioso na e sertámen: Gobièrnu di Kòrsou, Curacao Image Fashion Foundation, Inglot, Tresemmé, Emilia Boutique, Famoure Shoes, Bon Aparte Flowers, Curaçao Tourist Board, Kooyman, Renaissance Curacao Resort & Casino, Floris Suite Hotel, Saint Tropez, Telecuracao, Caprichos de Mujer, Scandal,Theo Meijer Photography, Hawaian Tropic.