Nos ta sumamente orguyoso di e manera ku nos Miss Curaçao, Chanelle de Lau ta representrando Kòrsou na Manila, Filipina.  Durante di e siman tras di lomba tabata tin varios aktividat ku e la partisipá na dje; Governors Ball, e la bishitá Cebu, Pico de Loro i Batangas kaminda e por a sera konosí ku e kultura Filipino.

Nos por tuma nota ku e ta un di e faboritonan riba diferente pagina sosial. Awor e siman mes di reto ta bai drenta kurpa, siman kaminda lo bai kuminsa duna e puntuashon nan nesesario pa bai ku e korona. E aña aki organisashon di Miss Universo a trese un kambio, di e 89 partisipantenan nan lo skohe 12 finalista, sigui pa 6 i pa final yama 3 dilanti, for di kua lo skohe e Miss Universe 2016. Pues e aña aki, kos lo bai ta hopi pèrtá! Chanelle a demostrá kaba, ku e ta disponé di e kualidades pa trese e korona kas! Kòrda nos ta konta ku nos pueblo pa vota masalmente pa Chanelle, kuminsando djaluna 23 di yanüari 2017. Bo por vota te un máksimo di 10 biaha pa dia i via 4 kanal:

1) VODI: Download e aplikashon di Vodi riba bo selular òf tablet i primi riba e boton pa vota.

2) WEB: Visit vote.missuniverse.com

3) MISS U APP: Download e aplikashon Miss di Miss Universe i primi pa vota riba e menu den banda vote.

4) TWITTER: Tweet usando #MissUniverse, #MissCuracao #Chanelledelau i e hashtag spesial pa Chanelle ku lo keda duná despues. Hasi uzo di e oportunidat i bentaha pa “retweet” tambe.

Bo por vota 10 biaha pa dia pa Kòrsou asina e pantaya pa vota habri! Ban sigui manda vibrashon positivo pa nos Miss Kòrsou, pa huntu nos por logra.