Ku presentashon di Ephrem J, D-Wayne, Natsuj i Philly M

WILLEMSTAD// Tur ku a bishitá Mood Beach a keda enkantá! E bahadanan di solo di mas bunita bo ta haña kant’i awa na Mood Beach, Bapor Kibrá, na man drechi di Cabana Beach Club. Ademas, e esfera ku Mood Beach ta ofresé lo trese kada bishitante na un relahamiento total. Di akuerdo ku ehekutivonan, e konsepto ta distinguí su mes for di sobrá, pa motibu ku no ta simplemente un terasa mas. Mood Beach ta para pa krea un eksperensia úniko pa kada bishitante. Asina por hasi menshon ku por ehèmpel riba djasabra tin show di kandela i vürwèrk, show di baile eksótiko i mas. Esaki no ta sporádikamente of pa okashon spesial, sino tur siman! Maske ya kaba Mood Beach ta konosí pa hopi hende, tòg ta fin di siman benidero lo introdusí e konsepto playero ofisialmente na públiko. Esaki lo sosodé ku un ambiente grátis kuminsando 6’or di atardi, te ku 10’or di anochi. “Den algun ora nos lo purba kontagiá tur bishitante ku e konsepto di Mood Beach. Lo tin músika, show, baile i naturalmente dushi cocktails!”, asina Jacqueline Fernandes Horta a komentá. Entrada pa e Grand Edition di Mood Beach Curaçao ta grátis! Sinembargo, si ta deseá di tòg reservá un mesa pa sinta ku grupo den VIP por hasi esaki na 517-2043, sin gastu adishonal.

Pa djasabra awor dia 3 di yüni, a invitá deejay D-Wayne, Natsuj i Philly M. Pa koroná e anochi ku dushi ambiente Ephrem J lo tei. Mood Beach Curaçao ta invitábo na un ambiente ‘apart’ pa sera konosí ku e konsepto playero ku lo ta e diferensia na Kòrsou.