Despues di e tremendo ekisto siman pasá, den kua e popular presentadó Morgan Isenia a dediká ún siman largu na obranan di DOBLE R SSS, Djawebs 28 di Ougùstùs lo tin otro hazaña. For di 7:30am riba ACTIVE 104.5 FM den “Morgan Mainta!” lo kuminsá zona 30 grandi di DOBLE R SSS den FESTIVAL di TUMBA. Tantu riba ACTIVE 104.5 komo RADIO MAS 99.7 FM lo zona e tumbanan di Karnaval ku DOBLE R SSS a presentá den nos maksimo festival kultural. DOBLE R SSS a kompañá no menos ku 8 Rei di Tumba! Tumbanan di Mr.Saab, Gibi Doran, Ike Jesurun, Luti Samson, Harry Zimmerman i hopi mas lo sòru pa kuminsá hinka un i tur den ambiente pa e gran anochi di selebrashon i homenahe na Rignald Recordino ku lo tuma luga’ Djawebs anochi na W.T.C. durante di CNSJ 2014
Pues sintonisá Djawebs mainta fo’i 7:30am riba ACTIVE 104.5 FM… 30 GRANDI di DOBLE R SSS den FESTIVAL di TUMBA durante “Morgan Mainta!” i “MAS Morgan!”