Reuel Martina di Kòrsou ta preparando pa e biahe di su bida.

Willemstad 26 di Yüli 2014 – Na kuminsamentu di kada partido di  “World Cup 2014” bo por mira   Muchanan di “McDonald’s Player Escort” ku nan meanan bisti ku e firma di McDonald’s: meanan strepia kora-i-blanku kompañando e atletanan riba kancha.  E meanan ta konmemorativo na “Ronald McDonald House Charities” rònt mundu, mirando ku e kompania a proveé valioso aporte i yudando e organisashon su kresementu den un forma global ku programanan sirbiendo mas ku  shete mion mucha i famianan kada aña. Pronto lo bisti e meanan aki i mirá pa miónes di hende rònt mundu, inkluyendo su fanátiko nan kurasoleño, lo ta e felis ganador di “Player Escort” Reuel Martina  di Kòrsou. E hobensitu aki di 9 aña lo biaha pa Brazil otro siman pa un eksperiensha úniko, kompaña pa su mama,  Sra. Jeanine Maria. E ganador a wòrdu selekshoná entre 2671 partisipantenan ku a yena nan formulario na un di e Restorant nan di McDonald’s; i e lo gosa di un biahe kompletamente paga, ku ta inkluí un ticket te  ku Brazil, hotèl, kuminda i aktividatnan na  restorant di McDonald’s, akseso na tur atrakshon turístiko na Rio de Janeiro, i lo topa ku muchanan di diferente parti di mundu. Reuel Martina lo por wòrdu mira dia  4di Yüli durante e seremonia di e partido di Quarta Final FIFA M58 (W53 vs W54) na e Stadion di Maracana na Rio de Janeiro, kompañando un di e hungadónan famoso di futbòl. Otro muchanan for di Romania, Austria, Morocco, Canada, Trinidad & Tobago, Puerto Rico, i Brazil, tambe lo por kompaña e team nan di e dia ei.  Komo parti di e programa na Brazil, Reuel Martina tambe lo hunga weganan amistoso na Rio Flamengo Training Field, cu muchanan di diferente otro pais. Reuel Martina su kontesta riba: kiko e ta  spera di e biahe aki, kiko ta su impreshon ta ora e wak e otro muchanan ku ya kaba a subi kancha, ku ken e lo tin gana di subi kancha i kiko e lokual e tin gana di bisé: Reuel ta bisa: Mi ta super eksitá ku e biahe aki. Mi ta loko pa  konosé Brazil, pasombra mi ta gusta biaha, konosé otro muchanan i mi soño mas grandi ta pa mi por konosé mi hungadó favorito, Neymar Jr. di e ekipo di Brazil i saka potrèt ku ne y haña su autografo. Tur dia mi ta purba di wak tur wega na tv, si mi no logra wak un partido mi ta wak e replay online. Kada bes mi wak un di e “Escorts” nan mi ta pensa, pronto ta ami ta para einan riba e kancha ei. Mi ta mantené tur e score nan i mi ta mira e final entre Brazil i Hulanda. Mi ta gradisí pa e oportunidat úniko aki pa mi por Escort kualkier hungadó pero mi soño ta pa mi Escort Neymar Jr. (òf Messi). Mi lo bisa e hungadó DANKI!! Danki pa siñami asina hopi. Mi ta gusta sinta wak bo hunga, mi por sinta oranan largu tras di tv/pc  pa mi por djis wak e talento nan di Neymar Jr. (òf Messi). Ku nan ta su ídolo i si e lo tin gana di bisa algu na tur e muchanan di Kòrsou ku lo a deseá di ta einan i ku tambe ta un fan di dje. Tambe mi lo haña hopi great si mi lo por a haña un shirt di dje ku su nòmber ariba. E programa di McDonald’s “Player Escort” ta e “Center piece” di e sponshership di FIFA World Cup™. E aña aki. McDonald’s a duna oportunidat na mas di 1,408 mucha entre 6 i 10 aña di 69 diferente pais, esaki ta marka e kantidat di mas alto di partisipante nan den un programa for di aña 2002, ku ta e aña ku e la kuminsá ku su soponsership.  Sinku mucha di Caribe a wòrdu selekshoná pa representá nan pais, entre otro: Puerto Rico, Martinique, Guadeloupe i Trinidad and Tobago. “E programa Úniko aki ta parti di McDonald’s su kompromiso ku muchanan, encurashando nan pa partisipá den deporte i inspirá kreatividat, dunando nan e oportunidat pa por ta parti di un  eksperiensha ku lo biba pa semper den nan” asina Jennifer Poulina, Operations Supervisor di Arcos Dorados Kòrsou a bisa.  Aki na Kòrsou nos ta orguyoso di por a duna e oportunidat aki na Reuel, nos ta “looking forward” pa por wak e kana riba kancha otro siman i kompartí tur su kuentanan ku su Fans nan”, Jennifer a bisa. Pa mas informashon di tur nos produktonan nobo, kampañanan i aktividatnan den nos restorantnan, konsumidónan por “LIKE” nos página di Facebook McDonald’s Curacao, òf bishita nos website www.mcdonaldsdwi.com òf sigui nos riba Twitter-@McDonalds_CA.