Djadumingu awó na Because Entertainment Center, Fundashon Chikitous ta organisá Festival ChikiGio. 13 hoben bon prepará lo ta den e kontienda pa e título máksimo. Gio Fuertisimo lo akompañá  tur partisipante ku lo interpretá kansionnan eksistente di Gio.Esaki ta otro akitividat sosial, edukativo kaminda nos muchanan tin e oportunidat di demostrá nan abilidat di kanto. E Festival di e aña aki lo keda dediká na Violena Martinus miho konosí komo Tanchi Ena Eki lider di grupo di Karnaval Rayonan di Solo, na ken lo rindi un homenage komo madrina di e grupo pero mas aun komo e pèrsona ku a inspirá nos pa lanta Grupo Chikitous. Den showtime lo bai tin presentashon di Eazy Money i presentashon di Gio Fuertisimo. Karchinan lo ta na rason di fl.20,- i ta optenibel serka tur partisipante i si sobra na porta. Tur kos lo start pa 3 or di atardi pa 6:30 di anochi. Nos ta konta ku bo apoyo i sosténpa bin apoyá tur nos muchanan ku ta kla pa demostrá nan talento di kanto.