WILLEMSTAD – Asosiashon di Músiko a tuma nota di fayesimentu di dos persona hopi yega na farándula i kultura di Kòrsou, ku resientemente a bai laga nos. Pa medio di esaki nos ke manda palabranan di kondolensia na Sr. Juni Aniseta, Presidente di JAG ku ta e entidat ku ta bai dirigí nos karnaval 2018,  ku pèrdida d su mama. Djabièrnè próksimo dia 27 di òktober, lo tin oportunidat pa tuma despedida na Concolador na Brievengat. Di parti AMAK forsa na Juni Aniseta i famia. Otro gran pèrdida den mundu farandulero ta fayesimentu di Roland “Ro” Petronella, gran kantante ku a militá den diferente agrupashonnan musikal lokal.

Ro su spesialidat tabata interpretashon di piesanan suave manera balada i bolero, pero e tabata kanta tambe ku Mariachi na diferente okashon. Ro a  haña kompañamentu musikal di vários bandanan popular den époka 60 i 70 i un di e bandanan aki ta Estrellas del Caribe dirigí pa e gran músiko di felis memoria Edgar Suprianio, Ro tabata un persona amabel ku Semper tabata tin un smail den su kara, un karakter trankil i nunka bo ta topa Ro kaminda tin problema i diskushon. Djaweps próksimo músikonan tin oportunidat pa tuma despedida for di 1 or di mèrdia na El Tributo Otrabanda.

Un gran baluarte musikal ehemplar a bai laga nos i nos ta sigur ku l’e okupá un bon lugá den Reino Selestial.

Pas na su restunan.