WILLEMSTAD – Komo kantante invitá for di Hulanda pa e konsiertonan navideño ‘Paranda di Pasku’ di Randal Corsen & Friends riba 23 i 28 desèmber na Brakapoti Mei Mei, Yumarya ta haña e oportunidat pa demostrá su talentonan na e públiko na su isla natal. No ta asina ku nan no konos’é ainda, pasobra hustamente e aña aki el a marka pouta entre pasobra t’e ta kanta e tumba ‘Kòrsou ta nifiká kas pa mi’ di Ola Caribense ku a skor haltu riba tur lista di hit na Kòrsou. Ámbos anochi ta kompletamente den ambiente di Pasku ku músika tradishonal di Kòrsou i Cuba entre otro ku interpretashonnan di piesanan ku a bira mundialmente konosí danki na Celia Cruz i La Sonora Matancera. Aparte di e kantantenan Orlando ‘Ñaño’ Rosario i Hendrik de Windt Yumarya lo ta huntu ku e formidabel Mafalda Miguel, e intérprete máksimo di salsa na Kòrsou. Yumarya ta representá e generashon nobo ku lo ta eksitoso den salsa i kualke dia por tuma e batuta di Mafalda. Esaki ta hasi e konsiertonan hasta mas interesante, pasobra ya e eksperensiá inisio di e karera briante ku e tin su dilanti.

Solista

Yumarya Grijt a forma parti frekuentemente di e koro ku tabata kompañá Izaline Calister. Riba e disko di Pasku di Izaline Calister nan ta kanta komo duo e piesa ‘Aguinaldo Antilliano’ di Celia Cruz i La Sonora Matancera. Ta opvio pakiko mientrastantu na Hulanda e ta un di e kantantenan di salsa masha pidí. Por lo demas, Yumarya ta un di e solistanan djaluna último na e konsierto di Reino dia 15 di desèmber na Hulanda.
Ademas, ku regularidat e ta presentá ku e trompetista Hulandes di salsa Maite Hontelé ku ta gosa fama na Colombia i ku resientemente tabata na Kòrsou. Tambe el a traha huntu ku e pianista Larry Harlow di e formashon salsero legendario Fania All Stars. Yumarya ta mustra kiko e tin aden riba su mes vershon di ‘La Vida es un Carnaval’ di Celia Cruz ku el a graba resientemente den un areglo di e pianista Marc Bischoff ku Izaline Calister ya pa añanan ta traha kuné. Yumarya ta aktivo tambe riba otro tereno, manera ora e kanta huntu ku e kantante di jazz Kim Hoorweg den e banda Bongomatik.

Karchi di entrada

Djamars 23 di desèmber i djadumingu 28 di desèmber Yumarya ta presentá na Brakapoti respaldá pa e formashon di pianista Randal Corsen, ku den muzik ta haña sosten di e perkushonistanan Pernell Saturnino, Eric Brigitha i Gino Samson, basista Ernesto Paz, guitarista Alexey Montero i trompetistanan Igort Rivas i Carlos Gonzalez. Karchinan di entrada (65 florin) pa e konsiertonan ta optenibel na 24 Uur Uit de Muur i Mensing’s Caminada.